- ແທັກ(Tag)
ແທັກແມ່ນລັກສະນະສະເພາະຂອງພາສາ
HTML ທີ່ໃຊ້ໃນການກຳນົດຮູບແບບຄຳສັ່ງ
ຫຼືລະຫັດຄຳສັ່ງ
ໂດຍລະຄຳສັ່ງຈະຖືກກຳນົດໄວ້ພາຍໃນເຄື່ອງໝາຍນ້ອຍກວ່າ( < ) ແລະເຄື່ອງໝາຍໃຫຍ່ກວ່າ(
> ) ເຊິ່ງແທັກຄຳສັ່ງພາສາ HTML ແບ່ງອອກເປັນ 2 ລັກສະນະຄື:
- ແທັກດ່ຽວ: ເປັນແທັກທີ່ບໍ່ມີແທັກປິດ ເຊັ່ນ: <br> , <hr> .
- ແທັກຄູ່: ແທັກຄຳສັ່ງໜຶ່ງຈະປະກອບດ້ວຍແທັກເປີດ
ແລະເທັກປິດ ໂດຍພາຍໃນແທັກປິດຈະມີເຄື່ອງໝາຍ / ນຳໜ້າຄຳສັ່ງ ເຊັ່ນ: <b> ຂໍ້ຄວາມ
</b>
- ຄຸນລັກສະນະ(Attributes).
ເປັນສ່ວນທີ່ໃຊ້ຂະຫຍາຍຄວາມສາມາດຂອງແທັກຄຳສັ່ງ
ເຊິ່ງຈະຕ້ອງໃສ່ໄວ້ພາຍໃນເຄື່ອງໝາຍໃຫຍ່ກວ່າ ແລະນ້ອຍກວ່າ
ແລະໃນສ່ວນແທັກເປີດເທົ່ານັ້ນ, ໂດຍແຕ່ລະແທັກຄຳສັ່ງຈະມີຄຸນລັກສະນະແຕກຕ່າງກັນໄປ
ແລະມີຈຳນວນບໍ່ເທົ່າກັນ ເຊັ່ນ: ຄຸນລັກສະນະຂອງແທັກ <p> ມີດັ່ງນີ້:
<p align="left">ຂໍ້ຄວາມໃດໆກໍ່ໄດ້</p>
<p align="center">ຂໍ້ຄວາມໃດໆກໍ່ໄດ້</p>
<p align="right">ຂໍ້ຄວາມໃດໆກໍ່ໄດ້</p>
<p align="justify">ຂໍ້ຄວາມໃດໆກໍ່ໄດ້</p>
- ໂຄງສ້າງຂອງພາສາ HTML.
- ແທັກຄຳສັ່ງ <html> ແມ່ນແທັກເປີດ
ເຊິ່ງເປັນຄຳສັ່ງກຳນົດຈຸດເລີ່ມຕົ້ນໃນການຂຽນໂປຣແກຣມ ແລະຄຳສັ່ງ </html>
ແມ່ນແທັກປິດ ເຊິ່ງເປັນແທັກກຳນົດຈຸດສິ້ນສຸດການຂຽນໂປຣແກຣມ.
- ແທັກຄຳສັ່ງ <head>
….</head> ແມ່ນແທັກເປີດ
ເຊິ່ງເປັນຄຳສັ່ງສຳລັບໃສ່ຂໍ້ຄວາມທີ່ເປັນຊື່ເນື້ອໃນຂໍ້ມູນໃນໜ້າເວັບເພຈນັ້ນ
ແລະມີແທັກຍ່ອຍອີກຄຳສັ່ງໜຶ່ງຄື: <title>….</title> .
- ແທັກຄຳສັ່ງ <title> …. </title> ເປັນແທັກຄຳສັ່ງທີ່ໃຊ້ສະແດງຊື່
ຫຼື ຂໍ້ຄວາມທີ່ອະທິບບາຍເນື້ອຫາໃນໜ້າເວັບເພຈນັ້ນ
ແລະຂໍ້ຄວາມທີ່ກຳນົດພາຍໃນແທັກຄຳສັ່ງນີ້ຈະສະແດງໃນ Title Bar
ຂອງໂປຣແກຣມ ເວັບບຣາວເຊີ.
- ແທັກຄຳສັ່ງ <body>
…. </body> ເປັນສ່ວນທີ່ສຳຄັນໃນການສະແດງຜົນໃນໜ້າຈໍຄວາມ ຫຼືໃນໂປຣແກຣມເວັບບຣາວເຊີ
ເຊິ່ງພາຍໃນຈະປະກອບດ້ວຍຫຼາຍແທັກຄຳສັ່ງ ເຊັ່ນ: ກ່ຽວກັບຕົວອັກສອນ,ຮູບພາບ,ຕາຕະລາງ,ວິດີໂອ
ແລະ ອື່ນໆ.